Fritidskortet

Portalen for å registrera seg og nytta Fritidskortet er no ope.

Fritidskortet gjeld i fyrste omgang for hausten 2021 og våren 2022.

Målet med fritidskortordninga er at fleire barn og unge får delta i faste, organiserte aktivitetar. Fritidskortet skal være universelt, og for alle barn i alderen 6 til fylte 18 år.

Føresette opprettar ein brukar på www.stord.aktiv-fritid.no og registrerer sitt born med personnummer. Dei kan da betala faktura direkte i portalen. Er summen høgare enn 1000 kroner kan ein bli vidaresendt til nettbank eller VIPPS for å betala restbeløpet.

Det er mogleg å få refundert utgifter for aktivitetar i perioden 01.08.21-31.12.21 som de allereie har lagt ut for. Dette gjeld spesielt for dei som har sendt ut faktura for heile året i vår. Framgangsmåten er den same som når ein betalar faktura, men ein hukar av for allereie betala faktura. Hugs å leggje ved kvittering.

Kven får fritidskortet?

- Absolutt alle i riktig aldersgruppe! Hausten 2021, får alle barn født mellom 2003 og 2015 tilgang til Fritidskortet.

Barn over 13 år med eigen BankID kan logge inn og bruke Fritidskortet sjølv, medan for barn under 13 må den føresette med same bustadadresse som barnet oppretta brukar og leggja til borna i løysinga.

Søsken får eit fritidskort kvar. Pengane på fritidskortet tilhøyrer kvart einskild barn, og pengane kan ikkje overførast til sysken eller andre born.

Korleis får eg fritidskortet?

- For å henta ut Fritidskortet må du oppretta ein brukar på Aktiv Fritid.

Klikk på "Ny bruker", og opprett ein brukar. Det kan vera lurt å bruka telefonnummeret ditt eller e-postadressen din som brukarnamn, slik at du har eit brukernamn du hugsar.

Dersom du er over 13 år og har moglegheit til å logga inn med ID-porten, kan du gjera dette sjølv. Dersom du er under 13 må ein forelder/føresett med lik bustadsadresse som deg gjera det.

Når fakturaen frå lag og organisasjonar kjem, legg de inn kontonummer og evt. KID og inntil 1000,- kroner av fakturaen blir betalt. Resten betalar de på vanleg vis via nettbank.

Kva kan fritidskortet brukast på?

- Fritidskortet kan brukast på deltakaravgifter i fast, organisert fritidsaktivitet. Det betyr at det kan brukast til å betala til dømes medlemskontingentar og andre deltakaravgifter, men ikkje til dømes cup, leir eller utstyr til aktiviteten.

Kva om aktiviteten kostar meir enn 1000 kroner?

- Då kan du bruke Fritidskortet ditt til å betala delar av rekninga. De betalar så restbeløpet på vanleg måte i nettbanken, med same konto- og KID-nummer, men berre det beløpet som ikkje Fritidskortet dekka.

Me har også ei ordning kalla Fritidskortet +. Dei som av ulike årsakar ikkje har råd til å betala restsummen, vil få høve til å søkja om å få dette dekka.

Eit anna alternativ er å prøva å finna ein aktivitet som kostar under 1000 kroner i halvåret. I den digitale plattformen blir det synlig hva hver aktivitet koster pr. halvår.